Jæja elskurnar, nú er komið að klúbbakynningu þar sem formenn eða forsprakkar klúbbanna innan Nemendafélagsins kynna vetrardagskránna og hvernig starfsemi klúbbanna er háttað. Hún fer fram í matsal skólans í Ásgarði miðvikudaginn 8. september og hefst kl. 21.00. Allir velkomnir, það verður kaffi og með'í!

Þá er komið að því! Hið æsispennandi nýnemasprell verður haldið fimmtudaginn 2. september og hefst kl. 17.00. Nýnemar (bæði háskóladeild og bændadeild) mæta upp í Ásgarð þar sem skipt verður í lið og liðin verða svo send út til að gera ýmsar þrautir á staðnum. Léttar (fljótandi) veitingar verða í boði og liðið sem sigrar hefur með sér veglegan vinning heim eftir keppnina.

Um kvöldið eru svo deildapartý þar sem gleðin mun ríkja. Bændadeild, búvísindi og hestafræði halda partý sitt hjá Agli í risinu í Skólaflöt 12 (íbúð 301). Umhverfisskipulag mæta til Gunnars og Mumma í íbúð 107 í Skólaflöt 12. Loks mæta landgræðsla og skógfræði og náttúra og umhverfi (með undirheitum) til Hrafnkötlu í íbúð 208 í Skólaflöt 8. Í þessi partý eru allir velkomnir; ekki bara nýnemar heldur er mælt með að eldri nemendur mæti einnig til að bjóða nýnema velkomna og kynnast þeim. Let the party begin!

Í dag, fimmtudaginn 26. ágúst, verður Nemendafélagið með fjárhúsgrill í gömlu fjárhúsunum í Þórulág. Kveikt verður upp í grillinu fyrir klukkan 20.00 og verður það orðið heitt um áttaleytið svo fólk geti farið að grilla. Nemendafélagið skaffar borð og stóla en nemendur mæta með grillmat, meðlæti, borðbúnað, drykki og góða skapið. Ef kalt verður í veðri lokum við út og kveikjum upp í gashitaranum. Hlökkum til að sjá alla, sérstaklega eru nýnemar hvattir til að mæta!

Nú líður senn að því að skólaárið 2010-2011 hefjist og skólastarf fari á fullt. Nýnemar í háskóladeild eiga að mæta í Ásgarð á Hvanneyri mánudaginn 23. ágúst kl. 9.00. Nýnemar í búfræði mæta í Ásgarð mánudaginn 30. ágúst kl. 9.00 en garðyrkjunemar að Reykjum í Ölfusi. Fyrstu dagarnir fara svo í að nýnemar kynnist sín og milli og einnig skólanum. Þá stendur Nemendafélagið fyrir uppákomum fljótlega eftir skólasetningu; s.s. fjárhúsgrilli og nýnemasprelli.

Friðrik Skúlason ehf veitir nemendum LbhÍ 40% afslátt af Lykla-Pétri vírusvörn (þegar hann er keyptur í fyrsta sinn) og 20% afslátt af ritvilluvörninni Púka (leiðréttir stafsetningarvillur í öllum Office-forritum).

Hægt er að kaupa símleiðis og til að fá afslátt þarf að segjast vera í skólanum og segja til nafns því þau eru með nemendalista.

Skeifudagur Grana og LbhÍ var haldinn með pompi og prakt fimmtudaginn 22. apríl síðastliðinn að Mið-Fossum. Sumardagurinn fyrsti rann upp sólríkur og fagur og gaf loforð um góðan dag. Boðið var upp á skemmtilega dagskrá þar sem nemendur í hrossarækt sýndu afrakstur vetursins og kepptu sín á milli um Morgunblaðsskeifuna og Gunnarsbikarinn. Einnig voru riðin úrstlit í tölti og fjór-/fimmgangi hjá Reiðmanninum, sem er námskeiðsröð sem endurmenntunardeild býður upp á. Þess á milli var bryddað upp á skemmtiatriðum, m.a. voru Skessurnar með flott reiðatriði og Leikssynirnir Biskup og Sikill sýndu hæfileika sína.

Jæja nemendur góðir; nú er kominn tími á vorbaðið. Lista- og menningarklúbburinn og Nemendafélagið standa fyrir sundlaugarpartýi í sundlaug skólans miðvikudaginn 21. apríl. Herlegheitin hefjast upp úr 15.30 eða svona sirka um kaffileytið. Þar verður boðið upp á léttar veitingar. Bent er á búningsklefana sem eru í kjallara Ásgarðs og er um að gera að nýta sér þá aðstöðu bæði fyrir og eftir sundsprett.

Um kvöldið er svo komið að árlegri grillveislu Hrútavinafélagsins Hreðjars. Hún fer fram í skjólbeltunum sunnan við Hvanneyri. Hlutafjáreigendum er boðið upp á heilgrillaðan hrút á teini og sósur og ýmist meðlæti verður einnig í boði. Þar verða einnig borð og stólar sem og borðföng. Veislugestir koma sjálfir með drykkjarföng að eigin vali. Grillið hefst um 19.00 eða á kvöldmatartíma.

Nemendaskírteinin eru tilbúin og hægt að nálgast þau í hádeginu á mánudaginn í Ásgarði!
Fyrir fjarnemendur og þá sem komast ekki upp í skóla á mánudaginn er alltaf hægt að hafa samband við formanninn í síma 848-8145 og nálgast skírteinin.

Upplýsingar um þau tilboð sem fást með framvísun skírteinisins eru birtar hér (eða undir Félagið > Nemendaskírteini í vinstri stikunni). Einnig eru margar búðir víðsvegar með nemendaafslátt - það þarf bara að muna að spyrja!

Rappsveitin Benni Valdez & Brisk hafa gefið út plötuna Svona Rúllum Við sem er mainstream rapp-plata med r'n'b-áhrifum. Plötunni er dreift ókeypis á vefsíðunni bennivbrisk.com

Þá er síðasta vetrarmóti hestamannafélagsins Grana lokið, en opna smalamótið var haldið með látum fimmtudagskvöldið 8.apríl síðastliðið.

Keppt var í 2. og 1. flokki og voru skráningar með ágætum. Mótið fór hratt af stað þar sem hver keppandinn á fætur öðrum þeyttist í gegnum stórskemmtilega smalabraut á mettíma :)

Flestir komust í gegnum brautina og allir gerðu það slysalaust, þrátt fyrir ýmis konar hundakúnstir eins og berbaktreið, smávegis hrekki, stuttar rokur, knapahlaup og knapastökk (en sá knapi endaði hangandi á áhorfendapöllunum). 

Þetta var semsagt allt í allt glæsilegt mót og prýðisgóð skemmtun og vill Grani þakka kærlega öllum þeim sem komu að því á einhvern hátt!

Um leið viljum við þakka góða þátttöku, aðstoð og samveru á öllum þremur vetrarmótunum í vetur!! :)

Meðfylgjandi eru úrslit úr smala.

Opið töltmót Grana var haldið fimmtudagskvöldið 18. mars síðastliðið á Mið-fossum. Mótið heppnaðist með eindæmum vel og komu þar saman glæsilegir hestar og stórskemmtilegt fólk!

Meðfylgjandi eru úrslit kvöldsins (smellið á fyrirsögnina).

Mánudaginn 22. mars frá klukkan 12:00 - 13:00 verður myndataka á nemendum vegna fyrirhugaðra nemendaskírteina. Takan mun fara fram í fundarherberginu á skrifstofugangi á jarðhæð í Ásgarði. Við hvetjum alla sem ekki mættu síðasta mánudag til að mæta og láta taka mynd af sér því engin mynd jafngildir engu nemendaskírteini. Við erum nú þegar búin að smala saman afslætti hjá mörgum fyrirtækjum bæði í heimabyggð og í Reykjavík sem nemendur ættu alls ekki að láta fram hjá sér fara.

Mánudaginn 15. mars frá klukkan 12:00 - 14:00 verður myndataka á nemendum vegna fyrirhugaðra nemendaskírteina. Takan mun fara fram í fundarherberginu á skrifstofugangi á jarðhæð í Ásgarði. Við erum nú þegar komin með afslætti í nokkrum fyrirtækjum á svæðinu og til þess að fá þá þarf að framvísa skírteininu. Við hvetjum ykkur til að mæta því engin myndataka - ekkert skírteini!

Þeir sem útskrifast í vor vita af myndatökum 22. og 23. mars fyrir útskriftarspjald en mega einnig koma á mánudaginn til að láta taka af sér mynd fyrir spjaldið.

Nemendur Landbúnaðarháskóla Íslands fá 10% afslátt af vörum í hestavöruversluninni Knapanum í Borgarnesi. Nemendur þurfa einungis að segjast vera nemendur til að fá 10% afslátt af þeim vörum sem þeir eru að versla. Nemendafélagið hvetur alla til að nýta sér þetta þegar þeir versla vörur fyrir gæðinginn.

Í gær fór spurningakeppni Landbúnaðarháskólans, Viskukýrin, fram í sjötta sinn. Troðfullur matsalur skólans sat spenntur yfir viðureignunum en liðin voru frá heimamönnum, starfsmönnum, bændadeild, búvísindum og hestafræði, umhverfisskipulagi og loks landgræðslu, skógfræði og náttúru- og umhverfisfræði. Logi Bergmann Eiðsson var spyrill líkt og fyrr. Að lokum fór það svo að lið búvísinda og hestafræði mætti liði landgræðslu, skógfræði og náttúru- og umhverfisfræði. Búvísindi og hestafræði báru sigur úr býtum en þetta er í fyrsta sinn sem það lið hefur hlotið þennan titil. Liðið skipuðu Egill Gunnarsson, Helgi Eyleifur Þorvaldsson og Halldór Arnar Árnason.

Á dögunum kusu nemendur Landbúnaðarháskóla Íslands starfsmann ársins 2009.  Í þetta sinn var það Þorkell Þórðarson, starfsmaður búrekstrarsviðs, sem hlaut nafnbótina.  Í tilefni þess færði fyrrverandi stjórn NLbhÍ Kela blómvönd og gjafabréf frá Hótel Hamri og Landnámssetrinu.  Vill Nemendafélagið óska Kela kærlega til hamingju með kjörið, er hann vel að því kominn.

 

Nemendafélagið vill þakka Hótel Hamri og Landnámssetrinu sýndan stuðning.

Starfsmaður ársins síðustu ára:
2008: Þórunn Edda Bjarnadóttir
2007: Sverrir Heiðar Júlíusson
2006: Álfheiður Marinósdóttir

Karlakvöld
Fimmtudaginn í Tungutúninu

Húsið opnar kl.19:00,         Allir kk velkomnir.
Verum stundvísir(eins og alltaf.
Borgað fyrir 3 sæti (1.sæti 50%, 2.sæti 30% og 3.sæti 20%)

Tungutúnið er gula höllin hjá Rannsóknarhúsinu.


_____________________________________________________________________

Kæru nemendur LbhÍ

Takk fyrir frábæra Árshátíð!

Gangi ykkur sem allra best á lokaspretti annarinnar.

Stjórn NLBHÍ og Árshátíðarnefndin.

HITUM UPP FYRIR ÁRSHÁTÍÐ!!

Nú fer að líða að Árshátíðinni :)
Er þá ekki upplagt að rifja upp gömul, góð Árshátíðar myndbönd....... svona til að koma okkur í gírinn! :)
Fimmtudaginn 5. nóv kl 20 upp í Ársal :)

Allir að mæta!!!

Jæja þá er miðasalan byrjuð fyrir Skímó ballið!

    Nemendafélagið hefur fengið kvartanir vegna partýstands í heimahúsum eftir barinn á fimmtudögum. Því finnst okkur réttast að hvetja nemendur til að sýna samnemendum og nágrönnum tillitssemi.
    Það eru í gildi húsareglur varðandi hávaða.  Eftir kl 24:00 skal ríkja kyrrð í húsnæðum og leita skuli samþykki næstu nágranna ef um sérstakar uppákomur er að ræða s.s. partý og veislur sem raskað geta ró þeirra eftir kl 24:00.

Ungt fólk og Landbúnaður

Þann 23. október næstkomandi er stefnt að því að halda málþing í Dalabúð í Búðardal með yfirskriftinni Ungt fólk og landbúnaður og í framhaldi verður stofnfundur samtaka ungra bænda. Viljum við hvetja sem flesta til að mæta, bændur sem og annað fólk sem hefur áhuga á málefnum landbúnaðar og hinna dreifðu byggða landsins. Enn fremur viljum við vekja athygli á því að allt ungt fólk á aldrinum 18 til 35 ára getur orðið aðilar að samtökunum, ekki er skilyrði að vera starfandi bóndi, einungis að hafa áhuga á málefnum landbúnaðar og landsbyggðarinnar.

 Dagskráin á föstudeginum hefst kl. 13:00 og er svo hljóðandi:

Forseti Íslands Herra Ólafur Ragnar Grímsson setur málþingið Ungt fólk og Landbúnaður

Tækifæri í sjálfbærri matvælaframleiðslu á Íslandi – Kristín Vala Ragnarsdóttir forstöðumaður Umhverfis- og verkfræðideildar Háskóla Íslands

Ungir bændur á Íslandi – Þeirra eru tækifærin – Ingibjörg Sigurðardóttir Háskólinn á Hólum

Frá átaki til árangurs – Baldvin Jónsson verkefnisstjóri hjá Áform

Hvers vegna er spennandi að vera ungur bóndi – Haraldur Bendiktsson

Klukkan 16:30 hefst stofnfundur Samtaka ungra bænda.

Fundarstjóri verður Ásmundur Einar Daðason alþingismaður

Samfara málþinginu og stofnfundinum mun Félag sauðfjárbænda í Dalasýslu (FSD) halda hinn árlega haustfagnað sauðfjárbænda í Dalasýslu með tilheyrandi gleði og glensi þar sem má ganga að því vísu að Dalamenn fari á kostum líkt og vant er (sjá glæsilega dagskrá nánar á dalir.is).

Á laugardeginum verður staðið í fyrsta sinn fyrir keppninni Ungi bóndi ársins, fer hún fram í reiðhöllinni í Búðardal ásamt fjölmörgum öðrum viðburðum helgarinnar. Sérlegir ráðgjafar og hönnuðir keppninnar eru ekki af verri endanum, þann hóp skipa þeir Unnsteinn Snorri Snorrason landsráðunautur í bútækni, Óðinn Gíslason athafnamaður að Syðstu-Fossum og síðast en ekki síst Guðmundur Hallgrímsson sveitafittness sérfræðingur. Skorum við á sem flesta að skrá sig til keppni á netfangið margret@bssl.is

Viljum við benda þeim sem að hyggjast mæta að hægt er að panta gistingu á góðu verði á hótelinu að Laugum í Sælinsdal í S:434-1600/8612660.
_________________________________________________________

Fyrsti viðburður klúbbsins er leikhúsferð á sýninguna 21 manns saknað, þann 10 október n.k. Sýningin er sýnd í Landnámssetri Íslands, Borgarnesi. Við fáum miðann á sérstökum kjörum eða á 1300 krónur.


Sýningin var tilnefnd til Grímuverðlaunanna árið 2009 sem besta leiksýningin.
Leikarinn Víðir Guðmundsson fer á kostum í sýningunni og bregður sér þar í allra kvikinda líki. Í sögunni segir ævintýralegri ævi Odds V. Gíslasonar sem kallaður hefur verið mesta “braskmenni” Íslands.


Nú er um að gera að skella sér í leikhús og hvíla sig í rúma tvo tíma á bókunum.
_________________________________________________________________________________________ 

Miðar á ballið OG í rútuna verða seldir í hádeginu á morgun miðvikudag og fimmtudag í andyrinu á Ásgarði (stóra húsið með sundlauginni í garðinum).
Ball + rúta = 1800 kr.
Ball = 1110 japönsk jen, 216.450 víetnömsk dong, 12 bahama dollarar. Já eða bara 1500 íslenskar krónur.
Ekki verður hægt að borga í rútuna á föstudagskvöldið, svo tryggið ykkur miða í hádeginu☺

_____________________________________________________________________________________

Í hádeginu á morgun, 16.09.2009, verða klúbbarnir með kynningu á starfsemi sinni!

 

Nemendafélagið ætlar að fæða ykkur með því sem Guðni Ágústsson vill meina að sé meinholl fæða - pylsur og kók.

 

Hvetjum alla til að til að kíkja og kynna sér þá starfsemi sem fram fer á vegum klúbbana. 

 

Ef þið sjálf hafið hugmyndir um klúbba þá erum við opin fyrir slíku.

 

Kynningin verður haldin í Ásgarði - Nýja skóla.

 

Ykkar einlæg

 

Stjórn Nemendafélags LbhÍ og klúbbarnir

_____________________________________________

_____________________________________________________________________________________

Í dag kom Bændadeild 1 í skólann og bjóðum við þau velkomin.
Hér eru nokkrir punktar til nýnemana okkar og einnig gott að minna eldri nemendur á:
    -Þegar við sendum út einhverjar tilkynningar þá gerum við það í gegn um nemendapóstinn,svo verið     dugleg að kíkja alltaf á hann.
    -Heimasíða nemendafélagsins er www.nlbh.is og þar er allt um starfsemina á vegum     nemendafélagsins.
    -Við erum með litla líkamsrækt hér í skólanum hún er staðsett í kjallara Ásgarðs.
    -Næsta djamm er Nýnemasprell, fimmtudaginn 3. Sept. kl 17:00 og svo verður kynning á     klúbbastarfsemi skólans þriðjudaginn 8. Sept. Þetta er allt auglýst nánar inná síðu skólans.

Kveðja Stjórn nemendafélags LBHÍ
_____________________________________________________________________________________

_____________________________________________________________________________________

Sumarið er senn á enda og nemendur fara að storma að Hvanneyri!


Nú eru aðeins 16 dagar í að skólinn hefjist á ný.
Við í nemendafélaginu vonum að allir hafi haft það gott í sumar og við erum farin að hlakka til að hitta skólafélaga okkar aftur.
Við viljum líka bjóða alla nýnema velkomna í skólann.
Sjáumst svo hress 24. ágúst n.k. og þið skulið strax taka fimmtudaginn 27. ágúst frá :)


_____________________________________________________________________________________

Hvernig væri að skella sér á Kollubar í kvöld og kíkja á boltann í beinni?

Nú ef boltinn er ekki að heilla þá verður þar hópur náttúruvísindanema frá Noregi. Þetta er FRÍÐUR hópur sem er hér að sækja skólann okkar heim og því væri ekki úr vegi að skreppa á Kollubar og ræða við þá um blómin og býflugurnar. Eða bara e-ð annað :)

Leynist ástin í lífi hinna einhleypu eða kærkominn vinur þeirra vinafáu? Sýnum nú af okkur hversu gestrisið fólk við erum og hver veit nema þarna  nú eða bara sætur strákur eða stelpa sem gaman væri að ræða við um lífsins lystisemdir.

Staður: Kollubar
Stund: 18:50 - þann 21. apríl 2009
_____________________________________________________________________________________

Þá er komið að grillveislu Hrútavinafélagsins....

 

Hrútavinafélagið Hreðjar heldur sína árlegu grillveislu miðvikudaginn 22. apríl 2009.

 

Hún verður haldin úti í Skjólbeltum kl 19:00.

 

Allir þeir sem eiga hlut í Hreðjari VI er boðið, (sem sagt þeir sem keyptu hlut á uppboðinu í haust).

 

Á boðstólnum verða heilgrillaðar lambskrokkar á teini í boði Sláturfélags Suðurlands. Sósa og salat í boði Hreðjars. Auk þess verður borðbúnaður á staðnum.

 

Fólk þarf að hafa með sér eitthvað til að væta kverkarnar og drykkjarílát.

 

Hlökkum til að sjá sem flesta.

 

Hrútavinafélagið Hreðjar

Söngkeppni Framhaldsskólanna verður haldin á Akureyri laugadaginn 18. apríl 2009. Henni verður sjónvarpað og það í beinni útsendingu af stöð 2, þar sem herlegheitin verða í opinni dagskrá.


Fyrir okkar hönd fara þær Auðna, Helga og Lauga.

Enn er verið að kanna hvort einhver áhugi sé að fara  HÓPFERÐ til Akureyrar og  berja þær og aðra keppendur augum. Ef áhugi er fyrir ferð væri eflaust hægt að flétta saman einhverri góðri dagskrá!!

Endinlega látið í ykkur heyra með því að senda póst á studentarad
_____________________________________________________________________________________

Úrslit Smalamótsins hjá Grana á Hvanneyri.

Mótið var haldið þann 31.mars s.l. á Mið-Fossum og var það þriðja og um leið síðasta í röðinni á vetrarmótadagskrá Grana.
Vel hefur tekist til á mótunum þremur og þátttaka hefur verið góð.




_____________________________________________________________________________________

Líkt og á síðasta ári ætlum við að taka þátt í söngkeppni framhaldsskólanna.  Í fyrra fór Magnús Ásgeir fyrir fríðum flokki drengjasveina og stóðu þeir sig allir með prýði!

Í ár ætlar hún Auðna okkar að keppa fyrir okkar hönd ásamt þeim stöllum sínum, Laugu og Helgu. Þær munu flytja lagið Þar eru rósir en það er íslenskuð útgáfa af snilldarlaginu Holding out for a hero sem Bonnie Tyler gerði ódauðlegt fyrir nokkrum áratugum síðan.

Keppnin verður haldin á Akureyri og var upphaflega dagsett 4.apríl en vegna breyttra aðstæðna verður hún líklega haldin 18.apríl.  Endanleg dagssetning verður auglýst síðar.

Ég vil bara benda á dagskránna hjá okkur næstu daga.
Enginn ætti að láta sér leiðast um helgina!!

Margt um að vera á fimmtudagskvöldið!!!

Fræðsluerindi hjá Skógræktarfélaginu Dafnari.
Opið fræðsluerindi hjá Skógræktarfélaginu Dafnari á Hvanneyri er haldið fimmtudagskvöldið 19. febrúar kl 20:00 í Vesturstofu.
Titill: Skógar Króatíu
Flytjandi: Bjarni Diðrik Sigurðsson, prófessor í skógfræði við Landbúnaðarháskólann.
Allir eru velkomnir á erindið – bæði innan skóla og heimamenn úr héraði.
 
Drekktu betur spurningakeppnin sívinsæla.
UMSK 2 ætlar að halda Drekktu betur aftur. Keppnin verður haldin í matsal skólans kl 20:30 og kostar litlar 500 kr inn.  Verðlaun fyrir stigahæsta liðið.
Eftir reynslu síðustu keppni hefur hinu og þessu verið breytt, svo nú verður þetta ENN skemmtilegra :0)


Stjórnmálafundur Samfylkingafélagsins og ball með Pókerbandinu All-In á Bifröst.
Fundurinn byrjar kl 20:00 og stendur til 21:30

Starfsmaður ársins 2008 var kosin um leið og kosningar til nýrra stjórnar nemendafélagsins. Og var Þórunn Edda Bjarnardóttir kosin starfsmaður ársins og er hún vel að titlinum komin. Nemendafélagið verðlaunaði hana með blómvendi og gjafabréfi fyrir tvo í mat og á leiksýningu á Landnámssetrinu í Borgarnesi.

Starfmaður ársins síðustu ára
2008: Þórunn Edda Bjarnardóttir
2007: Sverrir Heiðar Júlíusson
2006: Álfheiður Marinósdóttir

Aðalfundur Nemendafélags Landbúnaðarháskóla Íslands var haldinn miðvikudagskvöldið 28. janúar sl., fundarstjóri var Vignir Þór Siggeirsson og fundarritari Hildur Dagbjört Arnardóttir.

Skýrsla stjórnar til aðalfundar 2009

Gott fundarfólk, að venju mun ég gera grein fyrir helstu störfum stjórnar

nemendafélagsins frá síðasta aðalfundi. Á þ essum tíma höfum við haldið 17 bókaða

stjórnarfundi auk nokkurra minni funda. Þ eir viðburðir sem stjórnin hefur staðið að

síðastliðið ár eru:

Kosningamyndband

Stuðningsmenn Lilju Jóhannesdóttur frambjóðanda hafa sent frá sér kosningamyndband sem má nálgast hér:   Myndband

HALLÓ HALLÓ

Minnum kynningarfund á frambjóðendum í kvöld kl. 20:00 í matsal skólans (í Ásgarði)

 

Kosningar verða haldnar í hádeginu dagana 27. og 28. janúar, að auki verður kosið um starfsmann ársins.

 

Aðalfundur og úrslit kosninga verður miðvikudaginn 28. Janúar kl. 20:00 í matsal skólans (í Ásgarði),veitingar verða í boði.

 

 

F.h Kjörnefndar

Anna Katrín

Hjördís og

Þorbjörg

Formaður og fulltrúi í stjórn nemendagarða

Jón Árni Bjarnason UMSK 2

Lilja Jóhannesdóttir NU 2